კოკა ყანდიაშვილი, რომელიც რუსთავი 2-მა “ქართული ოცნების” ე.წ ტროლების ქარხნის ხელმძღვანელად დაასახელა, ამ ბრალდებას უარყოფს, ის ტელეარხის სიუჟეტს ცილისწამებას უწოდებს და აცხადებს, რომ ოფისი, რომელიც სიუჟეტში ჩანდა, მულტიმედია კომპანიას ეკუთვნის.

რუსთავი 2-ის გადაღებულ კადრებში, მართალია, მისი ოფისი ჩანს, თუმცა იგი არა “ტროლების ქარხნის”, არამედ მულტიმედია კომპანიის ოფისია:

აღნიშნულთან დაკავშირებით ყანდიაშვილმა “ფეისბუქის” პირად გვერდზე ვრცელი პოსტი გამოაქვეყნა:

“რუსთავი 2″ -ის სიუჟეტი კლასიკური მაგალითია, “ბოტობის”, “ტროლობის”, ცილისწამების, ბოღმისა და ღვარძლის, აღვირახსნილი ტყუილის ტირაჟირების, მთელი ქვეყნის მასშტაბით. მარიამ გაფრინდაშვილისგან კი, ისედაც არაფერი მიკვირს – სააკაშვილის ჯიბის ტელევიზიის რეალური ტროლია და არა ჟურნალისტი. Mariam Gaprindashvili Jgento

 მერამდენედ ცდილობთ ჩემს მოკვლას – თუ დაგითვლიათ? Rustavi 2

“თი ბი სი” ბანკთან არასდროს მქონია პრობლემა. 30 წელზე მეტია პირადად ვიცნობ მამუკასაც, ბადრისაც, ვახოსაც და პაატასაც – ამიტომ, ოდესმე, რაიმე კითხვა რომ გაჩენილიყო აუცილებლად ვიქნებოდი საქმის კურსში.

ათეულობით პოსტი დაგიწერიათ ჩემზე თქვე უსაქმურებო – ნათელაშვილ-კილაძე-ჩარკვიანებო ყველას ვერ ჩამოგთვლით… შალიკომ ისე გაუბერა, რომ ასლან აბაშიძის მკვლელობის მცდელობაც კი დამაბრალა, “ლაზერული წამლებით ახლა კი მოკლედ იმის შესახებ რა “ფაბრიკის” დირექტორი ვარ.

კადრები, რომელსაც “რუსთავი 2” გაჩვენებთ – ნამდვილად ჩვენი ოფისია, რომელშიც არაერთი ცნობილი სახე, მსახიობი, რეჟისორი თუ უბრალოდ გამოჩენილი ადამიანია ნამყოფი, მათ შორის “რ2”-ის სახეებიც. სწორედ ამ ოფისს ვამზადებთ, ახლახანს შევიძინეთ ახალი სავარძლები, მაგიდები 6-ში დაგვიმზადეს და მოგვიტანეს, (კადრებში კარგად ჩანს, რომ ყველაფერი ახალია) კარადები კი 15-ში იქნება. სარედაქციო ჯგუფი სრულად არაა ჩამოყალიბებული, ჯერ სულ რამდენიმე თანამშრომელი ვართ და ოფისის გამართვამდე სახლიდან ვმუშაობთ. რუსთავი2-ის მიერ გამოქვეყნებულ სიაში – (ეტყობა გამორჩათ) მეც კი არ ვარ ჩაწერილი.

იმედი მაქვს, ძალიან მალე მოგიწვევთ ამ პროექტის პრეზენტაციაზე. (მანამდე შეგიძლიათ ნახოთ და შეგვიფასოთ ჩვენი ახალი მულტიმედია პორტალი,

რომელიც სატესტო რეჟიმში მუშაობს). http://espersona.ge 2015 წელს ვიქირავეთ ერთ-ერთი ოფისი რუსთაველის 12-ში.

ჯერ ტურისტული სააგენტო – Georgia OK შევქმენით. შემდეგ სტუდია, რომელიც რამდენიმე სერიალზე და ტელეპროექტზე მუშაობდა.

2018 წელს გადავწყვიტეთ, მეგობრებთან ერთად, ახალი მულტიმედია კომპანია დაგვეფუძნებინა. პირველი და საკმაოდ მნიშვნელოვანი პროექტი სააგენტო “ეS-პერსონაა”, რომლის შესახებაც ინფორმაცია ქვეყნის მასშტაბით ასეულობით ცნობილ ადამიანს, მათ შორის რ2-ის ჟურნალისტებსა და პროდიუსერებსაც დავუგზავნეთ, მაგრამ “რუსთავი 2” რისი “რუსთავი 2”-ია, ჩვენი ოფისისთვის “ტროლების ფაბრიკა”, ხოლო თანამშრომლისთვის “ტროლები” არ დაერქმიათ.

რაც შეეხება სააკაშვილის სტატუსს, Mikheil Saakashvili – ეს არის იმის დამადასტურებელი თუ რამდენად სწორად მივლია დღემდე, ცხოვრების გზაზე. რა გასაკვირია, რომ ჩემზე დიდი ნაძირალა მას ცხოვრებაში არ შეხვედრია, არც კი იცნობს – მერაბიშვილს, ახალაიებს, ადეიშვილსა თუ, მეგის ქარდავას…. აქვე დავაზუსტებ – სანამ პირში სული მიდგას, მიშა სააკაშვილო – არ მოგასვენებ! და როგორც ღიად გებრძოდი 2003 წლიდან – ისე გავაგრძელებ მომავალშიც!

ყველაზე საცოდაობა ისაა, რომ ის ადამიანები, ვინც საქართველოში პროფესია ჟურნალისტი გააუქმეს, აკრძალეს და პროკურორი გვარამია გახადეს, სიმართლისა და ქართული ჟურნალისტიკის სიმბოლო – საკუთარ თავს უფლებას აძლევენ, პარტიული საჭიროებისამებრ მიაწებონ სამარცხვინო იარლიყები სხვებს. “ტროლები” და “გნომები” თქვენსკენ მოიკითხეთ, ჟურნალისტის მანტიას ამოფარებულო ნაძირლებო, რომლებიც თავს ყველაფრის უფლებას აძლევთ! ჯერ იყო და “კგბ-ის” გენერალი გამხადეთ, შემდეგ ჯიჰადის ვიდეოები, “მაესტროსა” და საზმაუს შეჭმა ჟიჟილაშვილიანად, ახლა “ქართული ოცნების” პრეს/პიარ სამსახურის უფროსობა, ლაზერული ტაბლეტები და “ტროლების ფაბრიკა” – ჰკითხეთ მიშას, მის მახინჯ ფანტაზიებში, რა იქნება შემდეგი?

ბოლოს კი, მინდა დიდი სიამაყით აღვნიშნო, რომ ჩვენს გუნდში არიან ახალგაზრდა, მოტივირებული და უნიჭიერესი ადამიანები, ვისთვისაც ამოსავალი წერტილი წესიერება, პატიოსნება და ჟურნალისტური პრინციპებია! რაც თქვენთვის საერთოდ არარსებული, უცხო – საშიში ხილია!

“მედიას კი თხოვნით მოგმართავთ, 14-ში ვბრუნდები თბილისში და მზად ვარ გესტუმროთ ყველა იმ ეთერში, რომელიც ამ საკითხითაა დაინტერესებული. დიანა ტრაპაიძე / ტვ პირველი ინგა გრიგოლია Nino Zhizhilashvili Nodar Meladze არჩევანი – გიორგი გაბუნია Teona Gegeliaმაკა ცინცაძე Merab Metreveli Irakli Chikhladze თეა სიჭინავაInterPressNews.ge Ipress.ge Tamuna Lepsveridze TV Imedi

 პ.ს. საქართველოს ჟურნალისტური ეთიკის ქარტია – მადლობა ქარტიას, ეს ერთადერთი ორგანიზაცია აღმოჩნდა საქართველოში, რომელმაც ღიად სცადა დაეცვა, სრულიად უდანაშაულო ადამიანები, უპრეცედენტო ბულინგისა და ცილისწამებისგან”, – წერს ყანდიაშვილი სოციალურ ქსელის პირად გვერდზე.

კოკა ყანდიაშვილის სტატუსს, “რუსთავი 2 “–ის საინფორმაციო სამსახურის ხელმძღვანელმა, “შაბათის კურიერის” წამყვანმა ნოდარ მელაძემ უპასუხა:

“კოკა ყანდიაშვილი ორ დღიანი ფიქრის შემდეგ გადაგიწყვეტია პასუხის გაცემა. თუ პასუხები გქონდა, რომ გირეკავდა ავტორი გეპასუხა. ახლაც გიმეორებ იგივეს, შენ ხელმძღვანელობ ტროლებს!!! ზუსტად იცი რასაც გეუბნები, ისიც ვიცი ეგ ოფისი ვისთან ერთად იქირავე, წლების წინ. ძალიან კარგად იცი, შენი ტროლების ქარხნის “საგმირო საქმეები”, მემონტაჟეების ვაკანსიებს რომ აცხადებდი მუსიკალურ ვებ გვერდებზე, ხალხს გასაუბრებაზე რომ იბარებდი 1500 ლარიან ვაკანსიაზე, სხვა რომ ხვდებოდა შენი სახელით, პარალელურად ფბ პროფილებს შენ რომ გიგდებდნენ ინბოქსში და დისტანციურად ამოწმებდი იყო თუ არა სანდო. დაფაზე შენს ოფისში გასაშავებელთა სია, რომ გქონდა ჩამოწერილი მარკერით, მე ჩამოგიწერო გვარები, თუ შენით დაწერ? სანამ მარიამ გაფრინდაშვილზე რამეს დაწერ, შენი ტრილების ქარხნის სიას გადახედე, მორალურ ტერორს რომ უწყობდი ადამიანებს. ნუ ნერვიულობ კიდევ ბევრი მტკიცებულება გვაქვს, უფრო მეტი იქნება.

P.S. ტროლების ქარხნის ბოლო სკანდალი გაიხსენე, ვისზე წერდით მანდედან, რის გამოც “გაიშარეთ” და ოფისი დაგაშლევინეს.

გაგრძელება იქნება….“ , – დაწერა მელაძემ “ფეისბუქის” პირად გვერდზე.

მელაძის განცხადება ადრესატმა უპასუხოდ არ დატოვა:

“ნოდარ, ყველაფერი რაც ადასტურებს ჩემს კავშირს თქვენს მიერ მოგონილ “ტროლების ფაბრიკასთან” გაასაჯაროე, არაფერი დაუმალო საზოგადოებას. ფაქტია, 9 საათიანი “კურიერი” მიგყავდა წუხელ, სიუჟეტიც აჩვენე “ტროლების ფაბრიკაზე” მაგრამ, ჩემი პასუხი თქვენს ტელეპასკვილებზე:

არ შეიმჩნიეთ!!!

გამოგრჩათ!!!

დაგავიწყდათ!!!

არ ჩათვალა საჭიროდ დამოუკიდებელი სააკაშვილის სარედაქციო პოლიტიკამ!!!

უბრალოდ დაუმალეთ ხალხს!!!

მესმის!

მაგრამ, “ფეისბუქზე” კითხვები და კომენტარები – რა თქმა უნდა, არ დაგიყოვნებიათ.

აბა რაა, ტელევიზიით ერთი კვირაა აჯერებთ ხალხს – “ამწარებს ეს ბოროტი ყანდიაშვილი ერსო”, ჩემს პასუხს კი უმალავთ. “ფეისბუქით” შემოიფარგლებით…

გასაოცარი, ნამდვილად “ევროპული ფასეულობების ერთგული” არხი შექმენით.

მეც, კიდევ ერთხელ პირდაპირ გეუბნები ნოდარ, როგორც სააკაშვილზე, 15 წელია კრიტიკული რეპორტაჟი არ გიჩვენებიათ და არც არასდროს აჩვენებთ, ზუსტად ასევე, არასდროს აჩვენებთ ჩემზე რაიმე დადებითს კი არა, ნეიტრალურს მაინც.

მე ხომ, უკვე წლებია “რუსთავი 2” -ს სარედაქციოზე დაფებზე გასაშავებელთა სიაში ვარ.

და ბოლოს, არაფერი “საფეისბუქოდ” გასარჩევი არ მაქვს არც შენთან, არც შენს “ავტორებთან” – მხოლოდ თქვენს პატრონთან მაქვს საქმე და არ მოვასვენებ – შენც გადაეცი”, – წერს კოკა ყანდიაშვილი “ფეისბუქის” პირად გვერდზე ნოდარ მელაძის საპასუხოდ.