33 წლის ტელეწამყვანი ლევან ჩხაიძე გარდაიცვალა. სამწუხარო ინფორმაციას, მისი მეგობარი და კოლეგა თეონა ცხომელიძე სოციალურ ქსელში ეხმაურება:
“ძალიან ცოტა ადამიანი ვიცი ვინც უბრალოდ მოგიკითხავს – “ხომ კარგად ხარ?” და ამას ან თხოვნა, ან რაღაც საქმე არ მოყვება… ჩვენ მიმოწერებს გადავხედე, არ მიმიქცევია ყურადღება აქამდე – ყოველთვის უბრალოდ მომიკითხავდა ხოლმე…
არ გამომდის დაჯერება, ვერ…
ჩემო ბიჭო… დამუნჯებული ვარ, ვერაფრით იღებს ტვინი ამ რეალობას” , – წერს ცხომელიძე.
გუშინ, ცნობილი გახდა რომ ჟურნალისტი, ტელეკომპანია – “პირველის” წამყვანი ლევან ჩხაიძე გარდაიცვალა.
ლევან ჩხაიძის გარდაცვალების მიზეზი, წინასწარი ინფორმაციით, თრომბი გახდა.
ლევან ჩხაიძე სამსახურეობრივი მივლინებით ბუდაპეშტში იმყოფებოდა და მას თბილისში სავარაუდოდ, რამდენიმე დღეში ჩამოასვენებენ.
