გია კორკოტაშვილი მეუფე პეტრე ცაავას გუშინდელ განცხადებას ეხმაურება. როგორც გიო კორკოტაშვილი ფეისბუქზე წერს, მეუფე პეტრეს მოღვაწეობასთან დაკავშირებით საზოგადოებიაში გარკვეული შეკიხთვები ჩნდება.
„მოკვდავნი ვართ და ყველას საბოლოოდ უფლის წინაშე მოგვიწეს წარდგომა. იმ უფლის მეუფე პეტრევ რომელსაც ემსახურებით და ვუმადლით ყოველ დღეს, რომელსაც თითოეული ჩვენგანი უყვარს და რომლისთვისაც ნაციც, ქოციც და უპარტიოც შვილია, უბრალოდ განსხვავება ჩვენ - ერში მყოფებსა და თქვენ - ბერობაში მყოფებს შორი ის არის რომ თქვენ ღვთის წინაშე აღთქმა გაქვთ დადებული და ვგონებ მეტი მოგეთხოვებათ. აღარ ჩავუღრმავდები ვალდებულებებს და პირდაპირ საქმეზე გადავალ - ძალიან ბევრი შეკითხვები ჩნდება საზოგადოებაში თქვენს "მოღვაწეობასთან" დაკავშირებით. რას და ვის ემსახურება თქვენი სისტემატიური გამოსვლები და გაურკვეველი კრიტიკა. ფაქტია ვიღებთ ქაოსს და დესტაბილიზაციის მცდელობას რომელიც მიმართულია კონკრეტული ძალის გასაძლიერებლად არეულობის შესაქმნელად. ჯერ ისაა ერთი უბედურება, რომ სრულიად მართმადიდებლური სამყარო წაეკიდა ერთმანეთს და მეორე ის, რომ ამ თემას თქვენ შიდა განხეთქილებისთვის იყენებთ და პატრიარქის ლანძღვაზე გადადიხართ.
ცუდი გეგმის ნაწილს ვხედავ, რეგიონალური დაპირისპირების გაღვივების, ქართველთა გადამტერება - გადაკიდების, მორიგი სისხლისღვრის, დესტაბილიაზაციის შემოტანის დაუოკებელი სურვილი არ გასვენებთ. ძალიან კარგად იცით პატრიარქის მიმართ მოსახლეობის დიდი ნდობა და სიყვარული - დამოკიდებულება და ისიც რომ მისი ღვაწლი უდიდესია ქვეყნის წინაშე, ერთადერთი ინსტიტუციაა რომელსაც ამდენი ხნის განმავლობაში არყევენ ბოროტი ძალები და ის მაინც დგას ღვთის შეწევნით! ისიც მოგეხსენებათ რომ ეხლა როდესაც ქვეყანას ასე უჭირს თქვენი განცხადება ზურგში დანის ჩარტყმაა და ამას არც ღმერთი და არც ხალხი არ გაპატიებთ. არ ვიცი რა გეგმები გაქვთ, მაგრამ წინასწარ გეუბნებით - არაფერი არ გამოგივათ", - წერს გია კორკოტაშვილი ფეისუქზე.
