დასავლეთ საქართველოში ძლიერმა ქარმა საქართველოს რკინიგზის ზოგიერთ მონაკვეთზე ელექტრომომარაგების სისტემა დააზიანა, რის გამოც მატარებლებმა დაგვიანებით შეასრულეს გრაფიკით გათვალისწინებული რეისები.
შექმნილი შეფერხებების აღმოფხვრისთვის სს „საქართველოს რკინიგზის" ყველა შესაბამისი სამსახური მუშაობის განსაკუთრებულ რეჟიმზეა გადასული.
„საქართველოს რკინიგზა" ბოდიშს უხდის მგზავრებს შექმნილი დისკომფორტისთვის.
