30 ნოემბერს, კომპანია „ჯორჯიან უოთერ ენდ ფაუერმა" თბილისის მერიამ და საკრებულომ ერთობლივი ანგარიში წარადგინეს. პრესკონფერენცია „ანგარიში თბილისს" პროექტის ფარგლებში გაიმართა. 2017 წელს „ჯორჯიან უოთერ ენდ ფაუერი" ინვესტიციას აორმაგებს და სხვადასხვა ინფრასტრუქტურულ პროექტებში 142.8 მილიონი ლარის დახარჯვას გეგმავს.

მიმდინარე კვირის მანძილზე  კომპანია ,,ჯორჯიან უოთერ ენდ ფაუერი"  სარეაბილიტაციო სამუშაოებს თბილისის სხვადასხვა უბანში აგრძელებს:

ვაკის რაიონში, წყნეთში, გრიშაშვილის ქუჩაზე, სარეაბილიტაციო სამუშაოები დასრულდა. წყალსადენის ქსელის 920 მეტრი სიგრძის ამორტიზებული მონაკვეთი ახლით შეიცვალა.

ნაძალადევის რაიონში, თემქაზე, IV მკრ-ს III კვარტალში, კომპანიამ სარეაბილიტაციო სამუშაოები დაასრულა. წყალსადენის ქსელის 100 მეტრზე მეტი სიგრძის მოძველებული მონაკვეთი ახლით შეიცვალა.

ღრმაღელეს სათავე ნაგებობიდან სამგორის სათავე ნაგებობამდე კომპანიამ სარეაბილიტაციო სამუშაოები დაიწყო. აღნიშნულ ტერიტორიაზე წყალსადენის ქსელის 350 მეტრამდე სიგრძის მოძველებული მონაკვეთი ახლით იცვლება.

გლდანის რაიონში, სოფელ გლდანში, რუსთაველის ქუჩაზე, სარეაბილიტაციო სამუშაოები დაიწყო - წყალსადენის ქსელის 300 მეტრი სიგრძის ამორტიზებული მონაკვეთი ახლით შეიცვლება.

ისნის რაიონში, კომპლექსი „ორთაჭალის ტურფას" მიმდებარედ, სარეაბილიტაციო სამუშაოები დაიწყო - წყალარინების ქსელის 970 მეტრი სიგრძის ძველი მონაკვეთი ახლით იცვლება.

2016 წლის მანძილზე კომპანია „ჯორჯიან უოთერ ენდ ფაუერი" სარეაბილიტაციო სამუშაოებს თბილისის 140 ქუჩაზე განახორციელებს და 100 კმ-ზე მეტი სიგრძის ქსელი შეიცვლება.