კომპანია „ჯორჯიან უოთერ ენდ ფაუერი“, გლდანის რაიონში, დღეს საღამოდან, გადაუდებელ ტექნიკურ სამუშაოებს განახორციელებს. სამუშაოები ჩატარდება გაზის დასახლებაში, წყალსადენის 1400 მმ-იანი მაგისტრალის ავარიულად დაზიანებულ მონაკვეთზე. სამუშაოები, რომელსაც „ჯორჯიან უოთერ ენდ ფაუერი“ დღეს, საღამოს 8 საათიდან დაიწყებს, ხვალ დილით დასრულდება.

ამ მიზნით, დღეს, 20:00 საათიდან, ხვალ, 25 თებერვლის 09:00 საათამდე წყალმომარაგება შეუწყდება:

თემქის III, გლდანის მასივის III, IIIა, V, VI, VII, VIII მ/რაიონებს და სასჯელაღსრულების დეპარტამენტის გლდანის N8 დაწესებულებას

ანდრონიკაშვილის, ბიჭვინთის, რევოლუციისა და მათ მიმდებარე ქუჩებს, ასევე, გლდანის რაიონის  ზოგიერთ დასახლებას.

ჩამოთვლილ უბნებს წყლის მიწოდება ხვალ, დილის 9 საათიდან, ეტაპობრივად აღუდგება.

წყალმომარაგების შეწყვეტისა და აღდგენის შესახებ ინფორმაცია „ჯორჯიან უოთერ ენდ ფაუერმა“ აბონენტებს წინასწარ, SMS-შეტყობინების სახით უკვე მიაწოდა. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისფუქისა და ვებგვერდის http://www.gwp.ge/ka/gadaudebeli  მეშვეობით.

„ჯორჯიან უოთერ ენდ ფაუერი“ შექმნილი დისკომფოტრისთვის ბოდიშს უხდის მომხმარებელს და შეეცდება, სამუშაოების ჩატარება რაც შეიძლება, მოკლე დროში დაასრულოს.