კომპანია „ჯორჯიან უოთერ ენდ ფაუერი“, გლდანის დასახლებაში, გადაუდებელ ტექნიკურ სამუშაოებს ღამის საათებში ჩაატარებს. კომპანია წყალსადენის 450 მმ-იანი მაგისტრალური მილის აღსადგენად სამუშაოებს დღეს, საღამოს 8 საათიდან დაიწყებს. მაგისტრალური წყლის მილის მონაკვეთი, რომელიც გლდანის  VIII მიკრორაიონში გადის, ავარიულად დღეს დაზიანდა.

გადაუდებელი სამუშაოების ჩატარების მიზნით, დღეს, საღამოს 8 საათიდან,  ხვალ, 18 იანვრის დილის 8 საათამდე წყალმომარაგება შეუწყდება:

გლდანის მასივის III, IIIა, V, VI, VII, VIII მ/რაიონებს, სოფლებს: გლდანსა და გიორგიწმინდას, ბერთუბნის დასახლებას და სასჯელაღსრულების დეპარტამენტის გლდანის N8 დაწესებულებას.

ჩამოთვლილ უბნებს წყალი ხვალ დილის 8 საათიდან ეტაპობრივად აღუდგება. წყალმომარაგების შეწყვეტისა და აღდგენის შესახებ ინფორმაციას „ჯორჯიან უოთერ ენდ ფაუერი“ აბონენტებს წინასწარ, SMS-შეტყობინების სახით მიაწვდის. დეტალური ინფორმაციის მოძიება ასევე შესაძლებელია კომპანიის ცხელი ხაზის - 2 93 11 11, ფეისფუქისა და ვებგვერდის მეშვეობით.

„ჯორჯიან უოთერ ენდ ფაუერი“ შექმნილი დისკომფოტრისთვის ბოდიშს უხდის მომხმარებელს და შეეცდება, სამუშაოების ჩატარება რაც შეიძლება, მოკლე დროში დაასრულოს.