”ჰით  ბათუმის 2015”   გრძელდება. ამჯერად,  6-9 აგვისტოს  ბათუმში, პროექტის ფარგლებში თანამედროვე მუსიკის დღეები გაიმართება.  ზღვისპირა ქალაქი  უცხოელ და ქართველ თანამედროვე  შემსრულებლებს მასპინძლობს.

7  აგვისტოს, ბათუმის ჩოგბურთის კორტებზე უკრაინული პოპ-როკ ჯგუფის  „ოკეან ელზის“  კონცერტი გაიმართება.

„ოკეან ელზი“ (უკრ. თარგმ. ელზას ოკეანე), ერთ-ერთი ყველაზე ცნობილი და წარმატებული უკრაინული როკბენდი ჩამოყალიბდა 1994 წელს უკრაინაში. ბენდის ვოკალისტი და ლიდერი სვიატოსლავ ვაკარჩუკი. ოკეან ელზი  ერთ-ერთი ყველასთვის საყვარელი უკრაინული როკბენდია არა მხოლოდ უკრაინაში, არამდენ დსთ-ს ქვეყნებშიც.

ბენდი განსაკუთრებულია სიმღერების სიღრმისეული ტექსტებითა და დამახასიათებელი მუსიკალური სტილით, ასევე შთამბეჭდავი მუხტითა და ენერგიით სცენაზე.

გელით, ბათუმის ჩოგბურთის კორტებზე 20:00 საათზე. ერთად შევცუროთ ელზას ოკეანეში.

მნიშვნელოვანია, რომ თანამედროვე მუსიკის დღეებმა სტარტი 6 აგვისტოს,  კახაბერი და ხანუმების კონცერტით აიღო. ამას მოჰყვა ბოშურუ საღამო MANOLO  “The Voice of the Gypsiess” -გან. თანამედროვე მუსიკის კვირეულში ასევე მონაწილეობენ რომა რცხილაძე და მისი ბენდი „+995“ . ამავე დღეს თანამედროვე მუსიკის დღები  ინგლისური ალტერნატიული როკ ბენდის „ტოპლოადერის“ კონცერტით დასრულდება. კონცერტები ბათუმის ჩოგბურთის კორტებზე, 20:00 და 21:00 საათზე გაიმართება.