გლდანის რაიონის N 107, N 100 საბავშვო ბაგა-ბაღში აუთვისებელი ფართების ადგილას, დღეს ახალი ჯგუფები გაიხსნა . ოთახები სრულად აღიჭურვა თანამედროვე ინვენტარით, მოეწყო სველი წერტილები და გასახდელები, გაკეთდა ინდივიდუალური სამზარეულო ოთახები.
ახალი ჯგუფების გახსნას ბაგა-ბაღების მართვის სააგენტოს ხელმძღვანელ თემურ თორდინავასთან ერთად გლდანის მუნიციპალიტეტის გამგებელი ბესერაიონ ქარცივაძე და მერიის განათლების, სპორტისა და ახალგაზრდულ საქმეთა სამსახურის ხელმძღვანელი გიორგი არეშიძე დაესწრნენ.
ახალი ჯგუფების სარემონტო სამუშაოებსა და ჯგუფების მოწყობაზე 80 000 ლარამდე დაიხარჯა.
