კომპანია „ჯორჯიან უოთერ ენდ ფაუერი" დღეს გამთენიიდან, ღრმაღელის სათავე ნაგებობის მიმდებარედ, გადაუდებელი ტექნიკური სამუშაოების განხორციელება დაიწყო. კერძოდ, სამუშაოები ტარდება ღრმაღელის სათავე ნაგებობიდან გამომავალ 1400 მმ-იან გვირაბული წყალდენის ვაზისუბნის მონაკვეთზე, რომელიც ავარიულადაა დაზიანებული. დაზიანების აღმოფხვრას კომპანია  დაუყოვნებლივ შეუდგა. სამუშაოების ჩატარებამ წყალსადენის მაგისტრალური ქსელების  წყლისგან დაცლა მოითხოვა.

გვირაბული წყალდენზე გადაუდებელი სამუშაოების განხორციელების მიზნით, დღეს, გამთენიის 06:00 საათიდან, ხვალ, 14 მარტის დილის 08:00 საათამდე წყალმომარაგება შეუწყდება:

·         ივერთუბნის, ლოტკინის, კუკიის, სვანეთის უბნის, ელია-არსენალის, მეტრომშენის, ნავთლუღის და ვაზისუბნის დასახლებებს, ასევე, ავლაბრის ნაწილს.

დროის აღნიშნულ მონაკვეთში წყალს დაბალი წნევით მიიღებს:

·         მოსკოვის გამზირი და მისი მიმდებარე ქუჩები.

 “ჯორჯიან უოთერ ენდ ფაუერი" შეეცდება სამუშაოების ჩატარება შესაძლებლად მოკლე დროში დაასრულოს. წყალმომარაგება აღდგება ხვალ, 14 მარტის დილის 08:00 საათიდან, ეტაპობრივად, სამუშაოების დასრულებისთანავე.

წყალმომარაგების შეწყვეტის თაობაზე დეტალური ინფორმაციის მოძიებას თბილისელები შეძლებენ „ჯორჯიან უოთერ ენდ ფაუერის" ოფიციალურ Facebook-გვერდზე და ვებგვერდზე - http://www.georgianwater.com/ka/gadaudebeli/1685-tbilisis-zogiert-quchas-tskhalmomarageba-sheezghudeba

ასევე, ნებისმიერ მომხმარებელს შეუძლია მიმართოს კომპანიის ცხელ ხაზს ( 2 93 11 11 ).