კომპანია „ჯორჯიან უოთერ ენდ ფაუერი", დღეიდან, ჯავახიშვილის ქუჩაზე ახალი მაგისტრალური ქსელების გაყვანას იწყებს. საპროექტო გეგმით გათვალისწინებულია როგორც წყალსადენის, ასევე საკანალიზაციო მილების მთლიანად განახლდება. ამ ეტაპზე, ყოფილი ელბაქიძის აღმართზე, ახლანდელ ჯავახიშვილის ქუჩაზე ინტენსიური კომპლექსური სამუშაოები მიმდინარეობს. სამუშაოების დაგეგმვასა და განხორციელებაში თბილისის მერიის კეთილმოწყობის საქალაქო სამსახურთან ერთად, კომპანია „ჯორჯიან უოთერ ენდ ფაუერის" ტექნიკური სამსახურიც მონაწილეობს. სამუშაოების მიმდინარეობას კი საგანგებოდ შექმნილი საკოორდინაციო საბჭო კურირებს.
„ჯორჯიან უოთერ ენდ ფაუერის" ტექნიკური დირექტორის მოადგილისა და საკოორდინაციო საბჭოს წევრის - ომარ გოცირიძის განცხადებით, მიუხედავად იმისა, რომ ელბაქიძის აღმართზე არსებული ძველი თუჯის მაგისტრალური ქსელი კარგ მდგომარეობაში იყო, კომპანია, მიმდინარე სამუშაოების მასშტაბიდან გამომდინარე, ყველა მილს ახლით ცვლის. უმაღლესი ხარისხის ქარხნული წარმოების ფოლადის იზოლირებული წყლის მილებით 700 მეტრიანი ახალი ქსელი მოეწყობა. მისი თქმით, ქარხნული წარმოების ხარისხიანი მილებით შეიცვლება საკანალიზაციო ქსელიც. როგორც ომარ გოცირიძე აღნიშნავს, სამუშაოების ჩატარების პროცესში ელბაქიძის აღმართის მოსახლეობას წყლის მიწოდება არ შეუფერხდება, რადგან მათი წყალმომარაგება კომპანიამ, დროებით, ალტერნატიული 400 მმ-იანი ქსელის მეშვეობით უზრუნველყო.
