სოფლის მეურნეობის სამინისტრო და საქართველოს გაერთიანებული სამელიორაციო სისტემების კომპანია სარწყავი სისტემების რეაბილიტაციას აგრძელებს.
ქვემო ქართლის რეგიონში, გარდაბნის მუნიციპალიტეტში მიმდინარეობს მტკვარი-ჯანდარას სარწყავი სისტემის მე-14-ე და მე-15-ე გამანაწილებელი ქსელის სარემონტო სამუშაოები.
ჩატარებული სარეაბილიტაციო სამუშაოების შედეგად ქვემო ქართლის რეგიონის სამ სოფელში - ნაზარლო, ვახტანგისი, ჯანდარა - 1530 ჰექტარი მიწის ფართობზე გაუმჯობესდება წყლის მიწოდება.
კომპანია გეგმავს განახორციელოს მტკვარი-ჯანდარას სისტემის სხვა გამანაწილებლების სარემონტო სამუშაოებიც. აღნიშნული სამუშაოების შედეგად გასარწყავებული ფართობი 7500 ჰექტრამდე გაიზრდება.
საქართველოს გაერთიანებული სამელიორაციო სისტემების კომპანია ქვემო ქართლში 9 სხვადასხვა ობიექტზე ახორციელებს სარეაბილიტაციო სამუშაოებს.
