2014 წლის 24 თებერვალს, გეგუთის №14 დაწესებულებაში სასჯელაღსრულების დეპარტამენტის ინიციატივით კონცერტი გაიმართა. მომღერალი გიო ხუციშვილი და მისი ბენდი - „გიო და ბიჭები“ მსჯავრდებულების წინაშე 2 საათიანი მუსიკალური პროგრამით წარსდგნენ. მუსიკალური ნომრები თავად მსჯავრდებულებმაც შეასრულეს. ღონისძიებას სასჯელაღსრულების დეპარტამენტისა და გეგუთის №14 დაწესებულების ხელმძღვანელობაც ესწრებოდა.
სასჯელაღსრულების დეპარტამენტის ინიციატივით და შემსრულებლებისა და მუსიკოსების მხარდაჭერით, სხვადასხვა დაწესებულებაში მყოფი მსჯავრდებულებისთვის არაერთი კონცერტი და შოუ-პროგრამა გაიმართა. გიო ხუციშვილმა და მისმა ბენდმა, მუსიკოს მერაბ სანოძესთან ერთად, მსგავსი პროგრამა ქსნის №15 დაწესებულების მსჯავრდებულებსაც წარუდგინა.
სასჯელაღსრულების დეპარტამენტი რესოციალიზაცია-რეაბილიტაციის ფარგლებში, სასჯელაღსრულების დაწესებულებებში არაერთ კულტურულ და საგანმანათლებლო პროექტს ახორციელებს.
