სურსათის ეროვნული სააგენტოს თბილისის სამმართველოს წარმომადგენლებმა ეტიკეტირების წესის დარღვევის გამო რამდენიმე სუპერმარკეტი დააჯარიმეს. ქეთევან წამებულის გამზირზე მდებარე შპს "ვეჯინი 50"-ის მარკეტ "ვეჯინში", მუხიანში - შპს "მეტეორას" სუპერმარკეტ "ვეჯინსა" და შპს "კონტინენტალის" უნივერსამში სხვადასხვა დასახელების სურსათს არ ჰქონდა ქართული წარწერა, რაც, სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 741 მუხლის თანახმად, 2014 წლის 1 იანვრიდან ითვალისწინებს ჯარიმას 400 ლარის ოდენობით.
