სალომე ზურაბიშვილის „ევრონიუსისთვის“ და „ბი-ბი-სი“-ს რუსული სამსახურისთვის ინგლისურ ენაზე მიცემულმა ინტერვიუებმა სოციალურ ქსელში აჟიოტაჟი გამოიწვია. საქართველოს ახლად არჩეულ პრეზიდენტს რუსეთის მიმართ მკაცრი გამონათქვამების გამო აქებენ და აღნიშნავენ, რომ მისი მხრიდან ძალიან სწორი და საჭირო აქცენტები იყო დასმული.
სალომე ზურაბიშვილის ინტერვიუს გამოეხმაურა მომღერალი მაია დარსმელიძე, რომელიც გაოცებულია იმის გამო თუ როგორი დამოკიდებულება აქვს ზურაბიშვილს ოკუპანტის მიმართ.
მომღერალმა „ევრონიუსის“ ინტერვიუ “ფეისბუქის” პირად გვერდზე გამოაქვეყნა და დაწერა:
„ვაიმეეე, ეს რას ისმენს ჩემი ყურები?
ეს სულ სხვა ტექსტია… ეს არ არის ის, რასაც ამ ქალისგან ვისმენდი მთელი წინასაარჩევნო კამპანიის დროს.
ეგრევე გეექცა ბიძოს, თუ რა ხდება? მოდით დამალაგეთ ვინცხამ, თორე ვიტირებ…“, – წერს დარსმელიძე.
ზურაბიშვილის პოლიტიკური განწყობებით გაკვირვებულია მომღერალი სოფო ნიჟარაძეც.
პოტის კომენტარებში მომღერლებს შორის თემაზე დიალოგი წარიმართა:
სიფო ნიჟარაძე: ვერ ვიჯერებ, შეიცვალა?
მაია დარსმელიძე: არ ვიცი, სოფო, გაოგნებული ვარ.
სოფო ნიჟარაძე:მეც, შეიძლება ვიღაც-ვიღაცებზე გონია ვერ გაიგებენ, ინგლისური მაინც არ იციანო …
მაია დარსმელიძე: აუ, ამან ასეთი სიურპრიზებით თუ გააგრძელა, აქეთ ჩვენი დასაცავი არ გახდეს
