ჟურნალისტი ეკა კვესიტაძე სოციალურ ქსელში წერს:
ზურაბიშვილმა სწორი აქცენტები გააკეთა რუსეთთან ურთიერთობაზე გუშინ მიცემულ ინტერვიუში – პრინციპში, სხვანაირად ვერც მოიქცეოდა. მითუმეტეს ახლა, როდესაც უკიდურესად გამწვავდა რუსეთის მიმართ დასავლეთის დამოკიდებულება ქერჩის სრუტეში განვითარებული მოვლენების გამო. მაგრამ, ზურაბიშვილი პაპზე უფრო კათოლიკეც რომ გახდეს რუსეთთან მიმართებაში, თავისი საქმე უკვე გაკეთებული აქვს – რომელიც კრემლმა არჩევნებიდან მეორე დღესვე გამოიყენა პროპაგანდის დასაწყებად. ვნახოთ როგორ გამოიყენებს ის ამ კოზირს ჰააგაში. ამ მიმართულებით
ზურაბიშვილმა შესაძლოა, რუსეთს ახალი არგუმენტები მისცეს – რადგან მას, უკვე პრეზიდენტის რანგში, აუცილებლად კითხავენ ვინ დაიწყო ომი და დაბომბა თუ არა საქართველომ თავისი მოქალაქეები.
