“ხახვსა და კარტოფილზე გაყიდულს რომ ეძახით საკუთარ მოქალაქეებს, იმიტომ არ იმსახურებთ ხელისუფლებას,” – ამის შესახებ იურისტი სოფია ხორგუანი “ფეისბუქის” პირად გვერდზე წერს.
“თქვენი “ლოღიკით”, რაც მეტი ფული აქვს ადამიანს, მეტად უყვარს სამშობლო. მოღალატეები, რუსეთუმეები და მსგავსი დაგვიძახეთ და მოგცემთ ხმას, კი, ელოდეთ. ეს სადო-მაზო ვნებები შინ რომ დაიკმაყოფილოთ, იქნებ თქვენც დაისვენოთ, ტრიფონმაც და ჩვენც გვაცალოთ ცხოვრება,” – წერს ხორგუანი, პოსტის კომენტარებში კი დასძენს: – “ილია ჭავჭავაძე და ვაჟა თუ არა, აკაკი მაინც უნდა იყო, ასე რომ დაამუნათო შენი ერი”
“ასეთი არაფერი გამიგია, რაც მეტს გაგვლანძღავენ, რატომ მოგვინდება მათი მობრუნება?”
ცენტრალური საარჩევნო კომისიის მონაცემებით, საპრეზიდენტო არჩევნების მეორე ტურში „ქართული ოცნების“ მხარდაჭერილმა კანდიდატმა, სალომე ზურაბიშვილმა გაიმარჯვა.
ცესკო-ს ინფორმაციით, ამ დროისთვის დათვლილია ყველა უბანი. სალომე ზურაბიშვილს ამომრჩეველთა ხმების 59, 52% აქვს, რაც რაოდენობრივად არის 1 147 627 ხმა.
ცესკო-ს ვებგვერდზე გამოქვეყნებული ინფორმაციის თანახმად, „ნაციონალური მოძრაობის“ საპრეზიდენტო კანდიდატმა გრიგოლ ვაშაძემ 780633 ხმა მიიღო, რაც საერთო ხმების 40,48%-ია.
საქართველოს ახალი პრეზიდენტის ინაუგურაციისა და ფიცის დადების ცერემონია 16 დეკემბერს გაიმართება. საქართველოს კონსტიტუციის 72-ე მუხლის მიხედვით, საქართველოს პრეზიდენტი ფიცს დებს არჩევიდან მესამე კვირა დღეს. არჩევის დღე კი კენჭისყრის დღეა.
რადგან არჩევნების მეორე ტური შუა კვირაში, 28 ნოემბერს იმართება, პირველივე კვირა, 2 დეკემბერი ათვლის წერტილი იქნება, კონსტიტუციით განსაზღვრული მესამე კვირა კი, 16 დეკემბერს მოუწევს.
საქართველოში საპრეზიდენტო არჩევნების მეორე ტური გუშინ გაიმართა.
