სერენა უილიამსი „როჯერსის თასში“ მონაწილეობას აღარ მიიღებს. სპორტული ღონისძიება 4 აგვისტოს დაიწყო. ამის შესახებ BBC წერს.
გამოცემის ინფორმაციით, გადაწყვეტილების მიზეზად სპორტსმენმა პირადი მიზეზები დაასახელა.
ცნობილია, რომ რამდენიმე დღის წინ უილიამსი ბრიტანელ ჯოანა კონტასთან 1-6, 0-6 დამარცხდა.
დიდი სლემის ტურნირების 23-გზის გამარჯვებული სპორტსმენისთვის ეს დამარცხება კარიერაში ყველაზე გამანადგურებელი იყო.
შვილის გაჩენის გამო, 13-თვიანი შესვენების შემდეგ, უილიამსი კორტებზე 9 მარტს დაბრუნდა.
