თაღლითობა სოციალური ქსელის გამოყენებით - სამართალდამცავებმა 4 პირი დააკავეს, რომელთაგან ერთი ქალია. ბრალდებულებს შორის ცოლ-ქმარი არიან.
გამოძიებამ დაადგინა, რომ დაკავებულები facebook-ის ყალბი პროფაილების გამოყენებით, თაღლითურად დაეუფლნენ მომხმარებლების კუთვნილ თანხებს. ბრალდებულების მიერ ჩადენილი დანაშაულებრივი ქმედებების შედეგად, 6 მოქალაქე დაზარალდა. თაღლითური გზით მითვისებულმა თანხამ კი 1000-ზე მეტი ლარი შეადგინა.
გამოძიება სისხლის სამართლის კოდექსის 180-ე მუხლის მე-2 ნაწილის „ა“ და „ბ“ ქვეპუნქტებით, მე-4 ნაწილის „ბ“ ქვეპუნქტით, წინასწარი შეთანხმებით ჯგუფის მიერ ჩადენილი თაღლითობის ფაქტზე მიმდინარეობს, რამაც მნიშვნელოვანი ზიანი გამოიწვია.
ჩადენილი დანაშაული 7-დან 10 წლამდე ვადით თავისუფლების აღკვეთას ითვალისწინებს.
