„დიდი შვიდეულის“ (G7) ქვეყნები შეშფოთებას გამოხატავენ სირიაში, უკრაინასა და მეზობელ ქვეყნებში დესტაბილიზაციისკენ მიმართული რუსეთის ქმედებების გამო, - ამის შესახებ „დიდი შვიდეულის“ საგარეო საქმეთა მინისტრების მიერ გავრცელებულ განცხადებაშია ნათქვამი.
„G7-ის საგარეო საქმეთა მინისტრებმა იმსჯელეს მშვიდობისა და უსაფრთხოების საკითხებზე, მათ შორის სირიაზე, უკრაინასა და ჩრდილოეთ კორეაზე. მინისტრებმა სირიაში, უკრაინასა და მეზობელ სახელმწიფოებში რუსეთის ქმედებებს მიუღებელი უწოდეს“, - აღნიშნულია განცხადებაში.
ასევე „დიდმა შვიდეულმა“ რუსეთი დემოკრატიულ პროცესებში ჩარევასა და დეზინფორმაციისკენ მიმართული კამპანიების ჩატარებაში დაადანაშაულა.
