ხვალ, პარლამენტის საგარეო ურთიერთობათა კომიტეტი რუსეთის ფედერაციის მიერ ოკუპირებულ აფხაზეთსა და ცხინვალის რეგიონში ადამიანის უფლებების უხეში დარღვევისა და “ოთხოზორია-ტატუნაშვილის სიის“ შესახებ რეზოლუციის პროექტს განიხილავს.
ეს არის უმრავლესობის მიერ ინიცირებული რეზოლუციის პროექტის გადამუშავებული ვარიანტი, რომელშიც ასახულია უმცირესობის ინიციატივა “ოთხოზორია-ტატუნაშვილის სიის“ შექმნისა და აღნიშნულ სიაში შეყვანილი პირების წინააღმდეგ სანქციების დაწესების შესახებ.
რეზოლუციის პროექტის კორექტირებულ ვარიანტს უმრავლესობის ლიდერი არჩილ თალაკვაძე წარადგენს.
საგარეო ურთიერთობა კომიტეტის სხდომა 10:30 საათზე გაიმართება.