“ქართველთა მარშის” ორგანიზებით მიმდინარე აქციაზე სამართალდამცველებმა აქციის ერთ-ერთი ორგანიზატორი ლადო სადღობელაშვილი დააკავეს.
როგორც “ინტერპრესნიუსს” შინაგან საქმეთა სამინისტროში განუცხადეს, სადღობელაშვილის დაკავება ადმინისტრაციულ სამართალდარღვევათა კოდექსით მოხდა. სხვა დეტალებზე შსს-ში არ საუბრობენ.
რაც შეეხება რუსთაველის გამზირზე მიმდინარე აქციას, მონაწილეები მოითხოვენ დაკავებული სადღობელაშვილის გათავისუფლებას და მმართველი პარტიის ხელმძღვანელ პირებთან შეხვედრას. მათი განცხადებით, “ქართულ ოცნებას“ არჩეული აქვს იგივე პოლიტიკა, რასაც აწარმოებდა “ნაციონალური მოძრაობა” და მიმართავს ძალადობრივ ქმედებებს, რასაც საზოგადოების მყისიერი რეაგირება მოჰყვება.
რუსთაველის გამზირზე გსამართალდამცველები არიან მობილიზებული. ისინი აქციის მონაწილეებს წესრიგის დაცვისკენ მოუწოდებენ.
