რუსეთის საგარეო საქმეთა სამინისტროს ამერიკის სახელმწიფო დეპარტამენტისგან მიცემული ვადა, სან-ფრანცისკოში გენსაკონსულოს დახურვის თაობაზე, შეერთებული შტატების დროით, საღამოს 8 საათზე ეწურება.
საკონსულოს გარდა, ასევე უნდა დაიხუროს ნიუ-იორკსა და ვაშინგტონში მდებარე რუსეთის სავაჭრო წარმომადგენლობაც. სახელმწიფო დეპარტამენტში განმარტეს, რომ ვაშინგტონში გადაწყვეტილება რუსეთის პროვოკაციული ქმედებების საპასუხოდ მიიღეს.
