მტკიცედ მჯერა, რომ საქართველოს ხელისუფლება და საქართველო არანაირი სახით არ იყო ჩართული აფგან მუხთარლის ინციდენტში, - ამის შესახებ საპარლამენტო უმრავლესობის ლიდერმა არჩილ თალაკვაძემ აზერბაიჯანელი ჟურნალისტის შესახებ დასმული კითხვის საპასუხოდ სოფელ მუხრანში განაცხადა.
როგორც არჩილ თალაკვაძემ აღნიშნა, ამის თქმის საფუძველს ის გარემოება აძლევს, რომ საქართველოში აზერბაიჯანის არაერთი მოქალაქე იმყოფება, თუმცა მათ პრობლემა არასდროს შექმნიათ.
”მტკიცედ მჯერა, რომ საქართველოს ხელისუფლება და საქართველო არანაირი სახით არ იყო ჩართული ამ ინციდენტში. ამის მჯერა, რადგან საქართველოში აზერბაიჯანის ოპოზიციის არაერთი წარმომადგენელი უკვე რამდენიმე წელია ცხოვრობს. ისინი გადაადგილდებიან, გადიან და შემოდიან ქვეყანაში. მათ არანაირი პრობლემები საქართველოში არ შექმნიათ”, - განაცხადა არჩილ თალაკვაძემ.
