კონსტიტუციაში დაგეგმილი ცვლილებებით ვეტოს გაფართოება იგეგმება. აღნიშნულ საკითხზე დღეს საკონსტიტუციო კომისიის სამუშაო ჯგუფის ფარგლებში იმსჯელეს. კერძოდ, პრეზიდენტს უფლება ექნება, ვეტო დაადოს პარლამენტის მიერ მიღებულ საბიუჯეტო პროექტს და ასევე, იმ საკონსტიტუციო ცვლილებებს, რომელზეც გადაწყვეტილებას პარლამენტი ხმათა ¾-ით მიიღებს.
ცნობისთვის, დაგეგმილია კონსტიტუციაში ცვლილებების ორი წესით განხორციელება. პარლამენტს შეეძლება კონსტიტუციაში ცვლილებები ¾-ით მიიღოს და პროექტი ხელმოსაწერად პრეზიდენტს გადაუგზავნოს. მეორე წესია, როცა პარლამენტი ცვლილებებს 2/3 მიიღებს, მაგრამ ის ვერ ამოქმედდება და ძალაში ვერ შევა, ვიდრე მომდევნო მოწვევის პარლამეტი ასევე ხმათა 2/3-ით არ დაამტკიცებს.
