ჩვენ ვერ ვხედავთ სირიაში მშვიდობას, ვიდრე ხელისუფლებაში ბაშარ ალ-ასადი იქნება, - განაცხადა გაერო-ში აშშ-ის ელჩმა ნიკი ჰეილიმ CNN-ისთვის მიცემულ ინტერვიუში.
„ასადის ხელისუფლებიდან ჩამოშორება არ არის ჩვენი ერთადერთი პრიორიტეტი, რის გაკეთებასაც ჩვენ ვცდილობთ „ისლამური სახელმწიფოს“ დამარცხებაა. ჩვენ ვერ ვხედავთ სირიაში მშვიდობას, ვიდრე ხელისუფლებაში ბაშარ ალ-ასადი იქნება. ასევე ირანის გავლენა უნდა აღმოვფხვრათ და მხოლოდ შემდეგ გადავიდეთ პრობლემის პოლიტიკურ გადაჭრაზე“, - განაცხადა ნიკი ჰეილიმ.
მისი თქმით, სირიაში რეჟიმის ცვლილება უნდა მოხდეს.
„ჩვენი აზრით, სირიაში რეჟიმის შეცვლა უნდა მოხდეს, ვინაიდან ყველა მხარეს ესმის, რომ ასადი არ არის ლიდერი, რომელიც უნდა მართავდეს სირიას“, - აღნიშნა მან.
