ცოტა უცნაურია, როცა მე ის ადამიანები მახსენებენ, რომ 2012 წლის მერე გარკვეული ცვლილებებია მიღწეული, რომლებიც ხელისუფლების კრიტიკოსებად 2012 წლამდე არ მინახავს

ცოტა უცნაურია, როცა მე ის ადამიანები მახსენებენ, რომ 2012 წლის მერე გარკვეული ცვლილებებია მიღწეული, რომლებიც ხელისუფლების კრიტიკოსებად 2012 წლამდე არ მინახავს

ცოტა უცნაურია, როდესაც მე მახსენებენ, რომ 2012 წლის მერე გარკვეული ცვლილებებია მიღწეული ის ადამიანები, რომლებიც ძალიან ხშირად არ მინახავს ხელისუფლების კრიტიკოსებად 2012 წლამდე, - ამის შესახებ საქართველოს პრეზიდენტმა გიორგი მარგველაშვილმა, პარლამენტში ყოველწლიური ანგარიშით გამოსვლის შემდეგ გამართული დებატების შეჯამებისას განაცხადა.

როგორც მარგველაშვილმა აღნიშნა, საზოგადოების წინაშე დღეს არის პრობლემები, ეს პრობლემები არის გადასაჭრელი და მას ესმის დეპუტატების გაღიზიანება, როდესაც პრეზიდენტი ამ პრობლემებს პარლამენტს უზიარებს.

”საინტერესო იყო ჩემთვის იმის მოსმენა, რომ თურმე 2012 წლის მერე გარკვეული ცვლილებებია მიღწეული. რა თქმა უნდა, მიღწეულია და არის გარკვეული წინგადადგმული ნაბიჯები, მაგრამ ცოტა უცნაურია, როდესაც მე მახსენებენ ამას ადამიანები, რომლებიც ძალიან ხშირად არ მინახავს ხელისუფლების კრიტიკოსებად 2012 წლამდე. ამაზე ძალიან საინტერესოდ ილაპარაკა ქალბატონმა ინაშვილმა. მე რატომ მახსენებთ 2012 წელს ან რატომ ედრებით 2012 წელს?! საზოგადოების წინაშე დღეს არის პრობლემები, ეს პრობლემები დღეს არის გადასაჭრელი, ამ პრობლემებს უნდა გავუსწოროთ თვალი. მე მესმის გაღიზიანება იმასთან დაკავშირებით, რომ ამ პრობლემებს გიზიარებთ, მაგრამ ამავე დროს უნდა გვესმოდეს, რომ ეს პრობლემები გადასაჭრელია”, - განაცხადა გიორგი მარგველაშვილმა.

შემაჯამებელი სიტყვით გამოსვლისას პრეზიდენტმა ასევე აღნიშნა, რომ საჭიროა საზოგადოებასთან საუბარი და პარლამენტის წევრებს მასთან ერთად რეგიონებში სიარული შესთავაზა.

”იარეთ ჩემთან ერთად რაიონებში. არაფერი ამაში პრობლემური არ არის, რომ საკონსტიტუციო თემატიკაზე ვესაუბროთ ხალხს, ვკითხოთ მათ აზრი, როგორი უნდა იყოს კონსტიტუცია და ამასთან მოვისმინოთ მათი პრობლემები, რომლებსაც იქ საზოგადოება გვიზიარებს”, - განაცხადა პრეზიდენტმა.