მოსკოვში სამართალდამცველებმა უსაფრთხოების ზომებიდან გამომდინარე მანეჟისა და წითელი მოედნები გადაკეტეს. შეზღუდვა მოსალოდნელ საპროტესტო აქციას უკავშირდება, რომელიც „ბი-ბი-სი“-ს ცნობით, ხელისუფლების წარმომადგენლებთან შეთანხმებული არ არის.
მანეჟის მოედნისა და ალექსანდროვის ბაღის სიახლოვეს რკინის ბარიერები დაამონტაჟეს. მოედანზე პოლიციის თანამშრომლები პატრულირებენ.
ადგილობრივი მედიის ინფორმაციით, ქალაქის ცენტრში ბევრი სამართალდამცველია. ტელეკომპანია „დოჟდის“ ინფორმაციით, დაკავებულია 4 ადამიანი.
