ვიზალიბერალიზაციასთან დაკავშირებით საქართველოს მთავრობის ადმინისტრაცია, მშვიდობის ხიდი და თბილისის ანძა ევროკავშირის დროშის ფერებში განათდა.
ამასთან, ევროკავშირის/შენგენის სივრცეში უვიზო მიმოსვლის ამოქმედებასთან დაკავშირებით თბილისში, ევროპის მოედანზე გალა-კონცერტი მოეწყო, რომელიც ფოიერვერკითა და საქართველოს ჰიმნით დასრულდა.
ვიზალიბერალიზაციის აღსანიშნავი კონცერტი ორი საათის განმავლობაში მიმდინარეობდა. მასში როგორც სოლო შემსრულებლები, ასევე, ბენდები მონაწილეობდნენ.
