მოსკოვში დღეს გამართული ანტიკორუფციული მიტინგის დროს დაკავებულთა რიცხვი 600-ზე მეტია. ამის შესახებ tvrain.ru წყაროზე დაყრდნობით იუწყება.
სააგენტოს თანამოსაუბრე ვარაუდობს, რომ უმეტესობის მიმართ ადმინისტრაციულ ოქმებს შეადგენენ შესაბამისი მუხლით, რაც მიტინგის, დემონსტრაციის, პიკეტირებისა და მსვლელობის მოწყობას გულისხმობს.
მოსკოვში დღეს გამართული აქციისას ოპოზიციონერი ალექსეი ნავალნიც დააკავეს. აქციაში 7-8 ათასამდე ადამიანი მონაწილეობდა.
მსგავსი ანტიკორუფციული აქცია რუსეთის სხვადასხვა ქალაქში გაიმართა.
რამდენიმე კვირის წინ ალექსეი ნავალნის ორგანიზაციამ რუსეთის პრემიერმინისტრ დიმიტრი მედვედევის კორუფციული გზით ქონების დაგროვების შესახებ კვლევის შედეგები გამოაქვეყნა.
