აშშ-ის პრეზიდენტმა, დონალდ ტრამპმა და ისრაელის პრემიერ-მინისტრმა, ბენიამინ ნეთანიაჰუმ გუშინ, სატელეფონო საუბარში ირანის ბოლო საომარი ქმედებები განიხილეს.
ტრამპმა და ნეთანიაჰუმ დეტალურად ისაუბრეს „ირანისგან მომავალ საფრთხეებზე და ირანის აგრესიაზე რეგიონში და იმის საჭიროებაზე, რომ აშშ-მ და ისრაელმა ერთად ითანამშრომლონ, რათა ამ საფრთხეებს დაუპირისპირდნენ“, - იუწყება ისრაელის პრემიერ-მინისტრის ოფისი.
სატელეფონო საუბრისას, ბენიამინ ნეთანიაჰუმ მადლობა გადაუხადა დონალდ ტრამპს ვაშინგტონში თბილი მიღებისთვის.
ისრაელის პრემიერ-მინისტრმა აშშ-ის პრეზიდენტს ასევე მადლობა გადაუხადა ანტისემიტიზმის წინააღმდეგ მისი განცხადებებისთვის.
თეთრი სახლის პრესსამსახურის განცხადებით, ნეთანიაჰუმ და ტრამპმა „ახლო აღმოსავლეთის რეგიონში არსებული საფრთხეებისა და გამოწვევების წინააღმდეგ დაპირისპირების გაგრძელების საჭიროებაზე ისაუბრეს“.
