ბულგარეთის დედაქალაქ სოფიაში მიმდინარე ჩოგბურთელ ვაჟთა საერთაშორისო ტურნირში ქართველმა ჩოგბურთელმა ნიკოლოზ ბასილაშვილმა მორიგი გამარჯვება მოიპოვა.
24 წლის ქართველმა ჩოგბურთელმა, რომელიც მსოფლიოს რეიტინგში 87-ეა, 1/4-ფინალურ შეხვედრაში 36-ე ადგილზე მყოფ, 27 წლის მარტინ კლიჟანს სამ სეტში მოუგო - 0:6, 6:3, 6:3 და ტურნირის ნახევარფინალში გავიდა.
ნახევარფინალში ბასილაშვილი მსოფლიოს მე-13 ჩოგანს, ბულგარელ გრიგორი დიმიტროს შეხვდება.
აღსანიშნავია, რომ მერვედფინალში ბასილაშვილმა "სოფია ოუფენის" ტურნირზე პირველ ნომრად განთესილ დომინიკ ტიმს მოუგო - 6:4, 6:4.
