ვანო მერაბიშვილის განცხადებასთან დაკავშირებით „ერთიანი ნაციონალური მოძრაობის“ წარმომადგენელი უახლოეს დღეებში მასთან შეხვედრას გეგმავს. ამის შესახებ ნათქვამია „ერთიანი ნაციონალური მოძრაობის“ განცხადებაში.
„დღეს გამართულ „ერთიანი ნაციონალური მოძრაობის“ რიგით მე-7 ყრილობის დღის წესრიგში, პარტიის გენერალური მდივნის არჩევის ან გადარჩევის საკითხი არ დამდგარა. ვანო მერაბიშვილის განცხადებასთან დაკავშირებით პარტიის წარმომადგენელი უახლოეს დღეებში გეგმავს მასთან შეხვედრას“, - ნათქვამია განცხადებაში.
”ნაციონალური მოძრაობის” დღევანდელ ყრილობაზე გენერალური მდივნის გადარჩევის საკითხი დღის წესრიგში არ დამდგარა. პარტიის გადაწყვეტილებით, ვანო მერაბიშვილი დარჩება პარტიის გენერალური მდივნის თანამდებობაზე, თუმცა ვიდრე პატიმრობაში იქნება, მის უფლებამოსილებას პოლიტსაბჭოს თავმჯდომარე ნიკა მელია შეითავსებს. მოგვიანებით, სოციალურ ქსელ Facebook-ის მეშვეობით განცხადება გაავრცელა თავად მერაბიშვილმა.
”მინდა გაცნობოთ, რომ დღეს გამართულ „ერთიანი ნაციონალური მოძრაობის“ ყრილობაზე, პარტიის გენერალურ მდივნად არჩევაზე მე თანხმობა არ განმიცხადებია”, - წერს ვანო მერაბიშვილი.
