თავდაცვისა და უშიშროების კომიტეტის თავმჯდომარის მოადგილედ ”ნაციონალური მოძრაობის” წევრი ირაკლი აბესაძე აირჩიეს. ირაკლი აბესაძის კანდიდატურას მხარი 12-მა დეპუტატმა დაუჭირა.
როგორც კომიტეტის თავმჯდომარე ირაკლი სესიაშვილმა კენჭისყრამდე განაცხადა, ”ქართული ოცნება” მხარს უჭერს დემოკრატიულ პრინციპს.
მისივე განმარტებით, რეგლამენტის მიხედვით, კენჭისყრაზე დააყენა წინა კენჭისყრის შედეგად მეტი ხმის მიმღები ირაკლი აბესაძის კანდიდატურა.
