”ნაციონალური მოძრაობის” პოლიტსაბჭოს წევრი პეტრე ცისკარიშვილი 20 იანვარს დაგეგმილი ყრილობის გადადების აუცილებლობას ვერ ხედავს. როგორც ცისკარიშვილმა ”ინტერპრესნიუსს” განუცხადა, ყრილობა უნდა ჩატარდეს 20 იანვარს.
”ყრილობის გადადებასთან დაკავშირებით მოსაზრებას არ ვიზიარებთ. ყრილობა უნდა ჩატარდეს 20 იანვარს. ყრილობის გადადების არანაირი აუცილებლობა არ არის. დროის გაჭიმვის არანაირი აუცილებლობა არ არსებობს. ჩვენ ქტივისტებს, მხარდამჭერებს, დელეგატებს, ყველას აქტიურად აქვთ ჩამოყალიბებული თავისი პოზიცია პარტიის მომავალთან და მის მმართველობასთან დაკავშირებით. ერთი კვირით და თუნდაც 2 თვით გადადება, არანაირ სხვაობას არ მოგვცემს”, - განაცხადა ცისკარიშვილმა.
მისივე თქმით, შექმნილია საორგანიზაციო კომისია, რომლის ნახევარიც დაკომპლექტებულია და შესაბამისად, კომისია უფლებამოსილია იმუშავოს ყრილობის საორგანიზაციო საკითხებზე. მისივე თქმით, კომისიაში პოლიტსაბჭოს 5 წევრს შეუძლია ერთი წევრი წარადგინოს.
24 დეკემბერს, ტელეკომპანია ”რუსთავი 2-ის” ეთერში, ”ნაციონალური მოძრაობის” ერთ-ერთმა ლიდერმა დავით ბაქრაძემ პარტიის წევრებს 20 იანვარს დაგეგმილი ყრილობის გადადება შესთავაზა.
