ევროპარლამენტის თავმჯდომარეს მარტინ შულცს სურს, რომ გერმანიის საპარლამენტო არჩევნებში, რომელიც მომავალ წელს გაიმართება, სოციალისტების კანდიდატი გახდეს ფედერალური კანცლერის პოსტზე, - იუწყება Politico გერმანულ მედიაზე დაყრდნობით.
Frankfurter Allgemeine Zeitung-ის ინფორმაციით, მარტინ შულცმა გერმანიის ფედერალური კანცლერის პოსტზე მისი კანდიდატურის წარდგენა “გერმანიის სოციალ-დემოკრატიული პარტიის” ლიდერს ზიგმარ გაბრიელს სთხოვა.
თავის მხრივ, ზიგმარ გაბრიელმა მარტინ შულცს სთხოვა, რომ საგარეო საქმეთა მინისტრის პოსტზე ფრანკ-ვალტერ შტაინმაიერი ჩაენაცვლებინა, - ამის შესახებ გერმანულ გამოცემას წყარომ ”სოციალ-დემოკრატიული პარტიიდან” განუცხადა.
გამოცემის ინფორმაციით, მარტინ შულცი საგარეო საქმეთა მინისტრის პოსტს იმ შემთხვევაში დათანხმდება თუ ”სოციალ-დემოკრატიული პარტია” მას გაისად საპარლამენტო არჩევნებზე პარტიის ფედერალური კანცლერის პოსტზე კანდიდატად წარადგენს.
