ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, გლდანის რაიონის მასშტაბით, პროექტები აქტიურ რეჟიმში მიმდინარეობს. ახლახანს, ზაჰესის დასახლებაში, თავისუფლების ქუჩაზე, საცხოვრებელი კორპუსი კაპიტალურად გამაგრდა, რისთვისაც, გლდანის რაიონის გამგეობის ბიუჯეტიდან, 25 000 ლარამდე დაიხარჯა.
გარდა ამისა, ხუთ მისამართზე დასრულდა სახურავის, ხოლო ორ მისამართზე - ლიფტის მოწყობა. აღნიშნულ პროექტებზე 34 000 ლარზე მეტი დაიხარჯა.
წლის ბოლომდე, ბინათმესაკუთრეთა ამხანაგობების განვითარების ხელშეწყობის პროგრამის ფარგლებში, საცხოვრებელი კორპუსების კეთილმოწყობის სამუშაოები კიდევ სხვადასხვა მისამართზე შესრულდება.
