ჰილარი კლინტონი და დონალდ ტრამპი 1956 წლის შემდეგ პრეზიდენტობის ყველაზე არაპოპულარული კანდიდატები არიან. ასეთია სოციოლოგიურ კვლევათა ცენტრ Gallup-ის მონაცემები.
სოციოლოგების მიერ გამოქვეყნებული შკალით, დონალდ ტრამპი გამოკითხულთა 61%-ს, ჰილარი კლინტონი კი 52%-ს არ მოსწონს. ეს ყველაზე მაღალი მაჩვენებელია პრეზიდენტობის კანდიდატებს შორის 1956 წლის შემდეგ, როცა მსგავსი ტიპის კვლევა პირველად ჩატარდა.
Gallup-ის ცნობით, „მიმზიდველობის“ რეიტინგში დონალდ ტრამპს რესპონდენტთა 36%-იანი, კლინტონს კი 45%-იანი მხარდაჭერა აქვს. მაგალითად, 1956 წლის საპრეზიდენტო არჩევნებში გამარჯვებულ დუაით ეიზენჰაუერს ამ რეიტინგში 84% ჰქონდა.
