"ქართული ოცნების" ისნის რაიონის მაჟორიტარობის კანდიდატის, ირაკლი აბუსერიძის შტაბის წარმომადგენლები, ოფისის მიმდებარედ მომხდარ ინციდენტთან დაკავშირებით განცხადებას ავრცელებენ.
"შტაბი იყო სამუშაო რეჟიმში, დაახლოებით 11:30 საათზე, ჩვენი ოფისის მიმდებარედ, კერძოდ სუპერმარკეტთან - გამოჩნდა რამოდენიმე პირი, რომლებიც იყვნენ არაფხიზელ მდგომარეობაში. ისინი გამოირჩეოდნენ აგრესიული ქმედებებით, რაც გამოიხატებოდა "ქართული ოცნებისა" და მაჟორიტარი დეპუტატობის კანიდატის, ირაკლი აბუსერიძის მიმართ უცენზურო სიტყვებით. რასაც მოჰყვა გამვლელ მოქალაქეებთა შეხლა-შემოხლა.
აგრესიულად განწყობილ არაფხიზელ მდგომარეობაში მყოფი პირები, ამოიცნეს გამვლელმა მოქალაქეებმა, რომლებიც აღმოჩნდნენ "ნაციონალური მოძრაობის" მაჟორიტარობის კანდიდატის გიორგი ონიანის შტაბის წევრები!",- აღნიშნულია შტაბის წევრების განცხადებაში.
