აშშ-ის წარმომადგენელთა პალატაში გამოსვლისას კონგრესმენმა დუნკან ჰანტერმა  განაცხადა, რომ  შეერთებული შტატები მტკიცედ დგას საქართველოს სუვერენიტეტის მხარდაჭერის სადარაჯოზე და გააზრებულად აქვს ნაკისრი ვალდებულება ქვეყნის დახმარების მიმართ, რათა დასახული მიზანი - ნატო-ში და ევროკავშირში გაწევრიანება - შეძლოს და სრულად მოახდინოს ინტეგრაცია ევროპულ სტრუქტურებში.

„საქართველოს რესპუბლიკა შეერთებული შტატების სანდო მეგობარი და პარტნიორია. მტკიცედ ვუჭერ მხარს ქვეყნის სუვერენტიტეტს, უსაფრთხოებასა და აღმავლობას. მსურს საქართველოს მივოლოცო საბჭოთა კავშირის დაშლისა და დამოუკიდებლობის აღდგენიდან 25 წლის განმავლობაში მიღწეული მნიშვნელოვანი დემოკრატიული და ეკონომიკური წინსვლა.

თქვენი ყურადღება მინდა მივაპყრო საქართველოსთან შეერთებული შტატების განუხრელ პარტნიორობას უსაფრთხოების სფეროში. ქვეყნის შეიარაღებული ძალები სხვადასხვა საერთაშორისო მისიებში მონაწილეობენ მთელი მსოფლიოს მასშტაბით, მათ შორის ავღანეთის  „მტკიცე მხარაჭერის ინიციატივაში“. ხსენებულ ფორმატში ქვეყანა უფრო მეტი სამხედრო შემადგენლობით არის წარმოდგენილი, ვიდრე ნატო-ს არაწევრი ნებისმიერი სხვა ქვეყანა. ვიცი, რომ შეერთებული შტატები დიდად აფასებს საქართველოს მონაწილეობას ამ მისიებში, აღიარებს და უფასებს მას თავგანწირვას. უსაფრთხოების სფეროში ჩვენი მნიშვნელოვანი ურთიერთობა გრძელდება და ვითარდება რეგიონული ძალისხმევის ფორმატში, რაც გულისხმობს ევროპის მზაობის ინიციატივას და გაფართოებულ ორმხრივ თანამშრომლობას. ჩვენი ორი სახელმწიფო მჭიდროდ თანამშრომლობს ორმხრივი უსაფრთხოების გაზრდის კუთხით, საქართველოს გამძლეობისა და  თავდაცვისუნარიანობის განვითარების, უსაფრთხო რეგიონისა და სამყაროს შექმნის სფეროში. ამ კონტექსტში ძალიან მაწუხებს რუსეთის მიერ აფხაზეთისა და სამხრეთ ოსეთის განგრძობადი უკუპაცია. მიმაჩნია, რომ რუსეთმა 2008 წლის ცეცხლის შეწყვეტის შეთანხმებით ნაკისრი  ვალდებულებები უნდა შეასრულოს.

შეერთებული შტატები მტკიცედ დგას საქართველოს სუვერენიტეტის მხარდაჭერის სადარაჯოზე. გააზრებულად გვაქვს ნაკისრი ვალდებულება ქვეყნის დახმარების მიმართ, რათა დასახული მიზანი - ნატო-ში და ევროკავშირში გაწევრიანება - შეძლოს და სრულად მოახდინოს ინტეგრაცია ევროპულ სტრუქტურებში.“