"ნაციონალური მოძრაობის" წევრი ოთარ კახიძე "თავისუფალი ზონის" წევრების მიერ ორგანიზაციის დატოვების ფაქტს აფასებს. კახიძის თქმით, "ეს არის სუსი-ს, ანუ პოლიტიკური პოლიციის მხრიდან დაგეგმილი უნიჭო ოპერაცია". "არავითარ არეულობას "ნაციონალური მოძრაობა" არ გეგმავს. ჩვენ მშვიდად, წყნარად გავისტუმრებთ ხელისუფლებას არჩევნების გზით. სუსი-ს შემოგზავნილი პროვოკატორების მხრიდან გაკეთებულ ოპერაციაზე სხვა კომენტარს არ გავაკეთებ. სუსი-ს შემოგზავნილი პროვოკატორები, რომლებიც აკეთებენ უსაფუძვლო განცხადებებს, მათზე კომენტარს არ ვაკეთებ",-განაცხადა კახიძემ. "თავისუფალი ზონის" გლდანის რაიონული განყოფილების წევრები ორგანიზაციას ტოვებენ. ისინი აცხადებენ, რომ საქართველოს ყოფილ პრეზიდენტს არჩევნების შემდეგ, დესტაბილიზაციის მოსაწყობად სჭირდებოდა. მათი გაცხადებით, საქართველოში შეიქმნა ორგანიზაცია - "საქართველოს ერთგულების სახელით", რომელსაც უშუალოდ აქვს დავალებული არჩევნების შემდეგ, ხალხის ქუჩაში გაყვანა და დესტაბილიზავიის მოწყობა.