ენერგეტიკის მინისტრი კახა კალაძე ბრიფინგს გამართავს და თანამდებობიდან წასვლის შესახებ განცხადებას გააკეთებს. როგორც ცნობილია, მას მინისტრის თანამდებობის დატოვება არჩევნებში მონაწილეობის გამო უწევს.
კალაძის ბრიფინგი ენერგეტიკის სამინისტროში 15:00 საათზე დაინიშნა.
კალაძე მმართველი გუნდის პარტიული სიის მე-2 ნომერი იქნება, კანონმდებლობის მიხედვით კი, პარლამენტის წევრობის კანდიდატად რეგისტრაციის შესახებ განცხადების წარდგენიდან არა უგვიანეს მე-2 დღისა, დაკავებული თანამდებობიდან უნდა გადადგნენ და გათავისუფლდნენ გარკვეული პირები, რომელთა თანამდებობებიც დეპუტატობის კანდიდატობასთან შეუთავსებელია. ასეთია მინისტრიც.
არჩევნებში მონაწილე პარტიებისა და საარჩევნო ბლოკების მიერ ცესკო-ში საარჩევნო სიის წარდგენის ვადა გუშინ ამოიწურა.
