"მემარცხენე ალიანსის" გენერალური მდივანი, სოსო შატბერაშვილი მაჟორიტარად კენჭს დუშეთის, თიანეთისა და ყაზბეგის საარჩევნო ოლქში იყრის.
მისი თქმით, არჩევის შემთხვევაში, დროს მთლიანად ამ რაიონის მოსახლეობის პრობლემების მოგვარებას მოახმარს.
"დავიბადე დაბა ფასანაურში, დუშეთის რაიონში. ჩემი მშობლები 20 წელი მოღვაწეობდნენ ამ რაიონში. პრაქტიკულად, იქ გავიზარდე და მაქვს მორალური უფლება, თიანეთის მაჟორიტარობის კანდიდატად ვიყარო კენჭი. არჩევის შემთხვევაში, პირობას ვდებ, აღარ მექნება პირადი ცხოვრება და მთლიანად ჩემ დროს დავუთმობ ამ რაიონის ხალხის პრობლემების მოგვარებას", - განუცხადა შატბერაშვილმა "პირWელს".
პოლიტიკოსის თქმით, თიანეთის მოსახლეობას ბევრი პრობლემა აწუხებს.
"პირველი პრობლემა არის უმუშევრობა. მეორე - ეს გახლავთ ინფრასტრუქტურული საკითხები - არ აქვთ ასფალტიანი გზა, წყალი. სოფლებში ახალგაზრდების გართობის პრობლემა მოსაგვარებელია . ჯანდაცვის პრობლებლემა აწუხებთ", - აღნიშნა შატბერაშვილმა.
მისი თქმით, მოსახლეობასთან შეხვედრისას, ინციდენტსაც ჰქონდა ადგილი.
"სოფელ ბაზალეთში შალვა ნათელაშვილის მიერ იყო მოწყობილი პროვოკაცია. მისი პორტრეტიანი მაისურებით, სამიოდე ახალგაზრდა დაგვხვდა და ცადეს არეულობის მოწყობა, რომელიც აღვკვეთეთ", - აღნიშნა შატბერაშვილმა.
