ამერიკის შეერთებული შტატები მიესალმება იმ დინამიკას და განვითარებას, რომელსაც დღეს საქართველოში აქვს ადგილი, - ამის შესახებ საქართველოს პრემიერ-მინისტრმა გიორგი კვირიკაშვილმა ტექნო-პარკში „სტარტაპ-საქართველოს“ მაღალტექნოლოგიური კომპონენტის 20 გამარჯვებულის დაჯილდოების ღონისძიებაზე განაცხადა.
როგორც იან კელიმ აღნიშნა, ამერიკის შეერთებული შტატები და ამერიკის მთავრობა, ასევე ტექნოლოგიური სექტორი ამ პროექტის მხარდაჭერას გააგრძელებს.
”ბევრმა თქვენგანმა იცის ალბათ აშშ-ის სახელმწიფო მდივნის, ჯონ კერის ვიზიტის ძირითადი მიზნები საქართველოში. პირველ რიგში ეს იყო შეხვედრა პრემიერთან და ასევე შეხვედრა მოვაწყვეთ 10 ახალგაზრდა მეწარმესთან. ეს იმიტომ მოხდა, რომ ეს მნიშვნელოვანია მისთვის, რადგანაც აღიარებს იმ ფაქტს, რომ სწორედ ეს მეწარმეები წარმოადგენენ დინამიურ ძალას ახალგაზრდა თაობისას საქართველოსი, რადგან ფოკუსირებული არიან ქვეყნის მომავალზე და ასევე ტექნოლოგიური საზოგადოების შექმნაზე საზღვრების გარეშე იმ რეგიონში, სადაც ამდენი ქვეყანა ცდილობს, რომ საზღვრები შეუქმნას ხელოვნურად ქვეყანას, შექმნას ხელოვნური ბარიერები ხალხს შორის. მე ვფიქრობ ასეთი საზოგადოება ცდილობს ინტეგრირებას მსოფლიო საზოგადოებაში”, - განაცხადა იან კელიმ.
პროგრამა ”სტარტაპ საქართველო” საქართველოს მთავრობის 4-პუნქტიანი გეგმის ფარგლებში ხორციელდება. პროექტს ახორციელებენ საქართველოს ინოვაციებისა და ტექნოლოგიების სააგენტო და საპარტნიორო ფონდი.
