კრემლში უარყოფენ დასავლურ მედიაში გავრცელებულ ინფორმაციას, რომ საპარლამენტო არჩევნების შემდეგ რუსეთში მთავრობა შეიცვლება.
რუსეთის პრეზიდენტის ვლადიმერ პუტინის პრესმდივანმა დიმიტრი პესკოვმა აღნიშნულ ინფორმაციას „მკითხაობა ყავაზე“ უწოდა.
მანამდე გავლენიანმა გამოცემა Financial Times-მა გამოაქვეყნა სტატია, რომლის თანახმად საპარლამენტო არჩევნების შემდეგ რუსეთში, დასავლეთთან ურთიერობის გაუმჯობესების მიზნით, მნიშვნელოვანი საკადრო ცვლილებები განხორციელდება.
სტატიის ავტორის ცნობით, რუსეთის პრემეირ-მინისტრი შესაძლოა ალექსეი კუდრინი გახდეს, ხოლო მისი დანიშვნა გახდება „ძლიერი სიგნალი დასავლური ქვეყნებისთვის, რომ რუსეთი თანამშრომლობისთვის მზად არის“.
