რუსეთის წინააღმდეგ სანქციები იქამდე იმოქმედებს, სანამ ის მინსკის შეთანხმებებს სრულად არ შეასრულებს. შესაბამისი გადაწყვეტილება იაპონიაში, ”დიდი შვიდეულის” სამიტის ლიდერებმა მიიღეს.
„სანქციები მოიხსნება მხოლოდ იმ შემთხვევაში, თუ რუსეთი ნაკისრ ვალდებულებებს შეასრულებს“, - ნათქვამია კომუნიკეში.
”დიდი შვიდეულის” სამიტის ლიდერების თქმით, უკრაინის კონფლიქტში რუსეთის მონაწილეობის გამო შესაძლოა, სანქციები გაფართოვდეს.
„ჩვენ მზად ვართ, მივიღოთ ახალი შემზღუდავი ზომები, თუ რუსეთის ქმედებები ამას მოითხოვს“, - აღნიშნულია განცხადებაში.
მომავალ თვეს ევროკავშირმა რუსეთის წინააღმდეგ ეკონომიკური სანქციების გახანგრძლივებაზე გადაწყვეტილება უნდა მიიღოს.
