სხვადასხვა ქვეყნის ლიდერები საქართველოს დამოუკიდებლობის აღდგენის 25 წლისთავს ულოცავენ. უკრაინის პრეზიდენტი პეტრო პოროშენკო საქართველოს დამოუკიდებლობის აღდგენის 25 წლისთავს „ტვიტერით“ ულოცავს.
„გულითადად ვულოცავ საქართველოს ეროვნულ დღესასწაულს“, - წერს პეტრო პოროშენკო.
მოლოცვის ტექსტი გამოაქვეყნა „ტვიტერზე“ ლიტვის პრეზიდენტმა, დალია გრიბაუსკაიტემაც. „გილოცავთ საქართველოს დამოუკიდებლობის დღეს. გაუმარჯოს საქართველოს!“ - წერს ლიტვის პრეზიდენტი.
საქართველოს დამოუკიდებლობის აღდგენის 25 წლისთავი მიულოცა აშშ-ის პრეზიდენტმა ბარაკ ობამამაც.
