საპარლამენტო უმრავლესობის წევრი თამაზ მეჭიაური არ გამორიცხავს, რომ ”ქართული ოცნება” დატოვოს. ამის შესახებ ”ინტერპრესნიუსს” თავად მეჭიაურმა განუცხადა, თუმცა აღნიშნა, რომ გადაწყვეტილებას პრემიერ-მინისტრ გიორგი კვირიკაშვილთან, ასევე, ექს-პრემიერ ბიძინა ივანიშვილთან კონსულტაციების შემდეგ მიიღებს.
მეჭიაურის თქმით, მას ჰქონდა სატელეფონო კომუნიკაცია ბიძინა ივანიშვილთან და შეთანხმდნენ, რომ უფრო ვრცლად პირისპირ შეხვედრისას ისაუბრებდნენ.
თამაზ მეჭიაური ვარაუდობს, რომ აღნიშნული კონსულტაციები პრემიერ-მინისტრის საქართველოში დაბრუნების შემდეგ გაიმართება, რომელიც ამჟამად ვიზიტით ლონდონში იმყოფება.
