თურქეთის ქალაქ ბურსაში აფეთქება თვითმკვლელმა ტერორისტმა ქალმა განახორციელა. ამის შესახებ თურქული მედია იუწყება.
გამოცემა „Daily Sabah“-ის ინფორმაციით, თავი 25 წლის ტერორისტმა ქალმა აიფეთქა. აფეთქების შედეგად, ქალაქის ცენტრში მდებარე სავაჭრო ობიექტები დაზიანდა. ტერაქტმა მოსახლეობაში პანიკა გამოიწვია.
მანამდე გავრცელებული ინფორმაციით, ერთი ადამიანი დაიღუპა და შვიდი დაშავდა სამხრეთ-აღმოსავლეთ თურქეთში, ქალაქ ბურსაში მდებარე ისტორიულ მეჩეთ ულუ ჯამის რაიონში მომხდარი აფეთქების შედეგად.
