"მიგრაციის კრიზისის მოსაგვარებლად ევროკავშირმა შეთანხმებულად უნდა იმოქმედოს. საზღვრების დახურვა შეცდომაა," – როგორც euronews.ge წერს, ამის შესახებ გერმანიის კანცლერმა ანგელა მერკელმა ტელეკომპანია "ARD"-სთან საუბრისას განაცხადა.
სააგენტოს განმარტებით, გერმანიის კანცლერი განსაკუთრებულ მნიშვნელობას 7 მარტს დაგეგმილ სამიტს ანიჭებს, რომელშიც მონაწილეობას თურქეთი და ევროკავშირი მიიღებენ.
"აუცილებელია ევროპამ გამონახოს პრობლემის მოგვარების საერთო გზა," – აღნიშნა მერკელმა.
ანგელა მერკელი მიიჩნევს, რომ არ შეიძლება საბერძნეთის გასაჭირში მიტოვება. კანცლერი საბერძნეთს დამატებითი დახმარების გამოყოფას დაპირდა.
შეგახსენებთ, რომ მიმდინარე წლის 7 მარტს, ბრიუსელში ლტოლვილთა საკითხებთან დაკავშირებული თურქეთ-ევროკავშირის სამიტი გაიმართება.
